Վաշինգտոնի Սուրբ Խաչ առաքելական եկեղեցու հիմնադրման 55-ամյակին նվիրված ընդունելություն

09 նոյեմբերի, 2019

Ս․թ․ նոյեմբերի 9-ին ԱՄՆ-ում ՀՀ արտակարգ և լիազոր դեսպան Վարուժան Ներսեսյանը մասնակցեց Վաշինգտոնի Սուրբ Խաչ առաքելական եկեղեցու հիմնադրման 55-ամյակին նվիրված ընդունելությանը։ Միջոցառմանը ելույթներով հանդես եկան ԱՄՆ Արևելյան թեմի առաջնորդ Գերաշնորհ Տ․ Անուշավան Արքեպիսկոպոս Դանիելյանը, Սուրբ Խաչ եկեղեցու հոգևոր հովիվ Սարգիս քահանա Աքթավուքյանը, ԱՄՆ-ում ՀՀ դեսպան Վարուժան Ներսեսյանը, Արցախի Հանրապետության մշտական ներկայացուցիչ Ռոբերտ Ավետիսյանը:
Շնորհավորելով եկեղեցու հիմնադրման 55-ամյակի առթիվ` դեսպանը նշեց, որ Վաշինգտոնի Սուրբ Խաչ Հայ առաքելական եկեղեցին հոգևոր հաստատություն լինելուց զատ, հանդիսանում է նաև այն կարևոր կենտրոնը, որը մշակութային և կրթական իր գործունեությամբ համախմբել է սերունդներ և իր մեծագույն ներդրումն ունեցել հայապահպանության հարցում:
Դեսպան Ներսեսյանը բարձր գնահատեց Սուրբ Խաչ եկեղեցու՝ հայկական ճարտարապետությանը հատուկ նոր համալիրի շինարարության նախատեսվող մեկնարկը, և վստահություն հայտնեց, որ եկեղեցին կշարունակի հայրենիքից դուրս գտնվող մեր հայրենակիցներին իր տանիքի ներքո համախմբելու առաքելությունը:
Միջոցառմանը ներկա էին ամերիկահայ կազմակերպությունների ղեկավարներ, Սուրբ Խաչ հայ առաքելական եկեղեցու հոգևոր սպասավորներ, հայ համայնքի բազմաթիվ ներկայացուցիչներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր